Bakı. Trend:
Azərbaycan milli komandasının hücumçusu Vüsal İsgəndərli Kosovonun "Malişeva" komandasının Konfrans Liqasının ikinci təsnifat mərhələsinə yüksəlməsinə kömək edib.
Birinci təsnifat mərhələsinin cavab oyunununda Kosovo klubu Albaniyanın “Vlazniya” komandasını 5:0 hesabı ilə məğlub edərək, ilk oyundakı 2:1 hesablı məğlubiyyətin əvəzini çıxıb.
İsgəndərli oyuna start heyətində başlayıb və ilk hissəyə artırılmış vaxtın ikinci dəqiqəsində "Malişeva"nın ikinci qolunda komanda yoldaşına məhsuldar ötürmə edib. O, 68-ci dəqiqədə əvəzlənərək meydanı tərk edib.
Ümumi hesabda qələbə sayəsində "Malişeva" Konfrans Liqasının ikinci təsnifat mərhələsinə yüksəlib.
