Bakı. Trend:
Beynəlxalq Futbol Federasiyasının (FİFA) yenilənmiş reytinqində İspaniya millisi yenidən birinci pilləyə yüksəlib.
Reytinqin aktual versiyası təşkilatın rəsmi saytında dərc olunub.
İspaniya yığması 2026-cı il dünya çempionatının finalında Argentina millisini 1:0 hesabı ilə məğlub edərək tarixində ikinci dəfə dünya çempionu olub. Bunun sayəsində Luis de la Fuentenin rəhbərlik etdiyi komanda FİFA reytinqində Argentinanı geridə qoyaraq liderliyə yüksəlib. Fransa millisi isə üçüncü pillədə qərarlaşıb. Yeni sıralamada Argentina ilk pilləni əldən verərək 2-ci olub, Almaniya ilk "10-luq"dan çıxıb, dünya çempionatında 1/8 finala yüksələn Meksika millisi 14-cü yerdən 10-cu pilləyə qalxıb, Türkiyə 5 pillə geriləyərək 27-ci olub, Gürcüstan yığması 72-ci pillədəki mövqeyini qoruyub, millimiz isə Estoniyanın önündə 126-cı pillədə qərarlaşıb.
20 iyul tarixinə FİFA reytinqində ilk 10-luq aşağıdakı kimidir:
1 (2). İspaniya — 1995,88 xal.
2 (1). Argentina — 1970,37 xal.
3 (3). Fransa — 1948,97 xal.
4 (4). İngiltərə — 1922,83 xal.
5 (6). Braziliya — 1804,92 xal.
6 (7). Mərakeş — 1803,99 xal.
7 (5). Portuqaliya — 1787,85 xal.
8 (9). Belçika — 1778,36 xal.
9 (8). Niderland — 1775,54 xal.
10 (14). Meksika — 1754,30 xal.
