...

Mingəçevir-Bəhrəmtəpə yolunun bir hissəsində tamamlanma işləri aparılır (VİDEO/FOTO)

İqtisadiyyat Materials 10 Aprel 2017 14:32 (UTC +04:00)
Mingəçevir-Bəhrəmtəpə yolunun bir hissəsində tamamlanma işləri aparılır (VİDEO/FOTO)

Trend-i buradan izləyin

Bakı. Trend:

“Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı” çərçivəsində “Azəravtoyol” ASC tərəfindən Mingəçevir-Bəhrəmtəpə avtomobil yolunun Mingəçevir şəhəri – Mingəçevir dəmiryolu stansiyası arasında yerləşən hissəsinin yenidən qurulması işləri yekunlaşmaq üzrədir.

Bu barədə Trend-ə “Azəravtoyol” ASC-dən məlumat verilib.

Sözügedən hissənin uzunluğu 16,5 kilometrdır və 3-cü texniki dərəcədən 2-ci texniki dərəcəyə uyğun yenidən qurulub. Yol 2 hərəkət zolağından ibarətdir. Mövcud yol yatağının eni tikinti işləri çərçivəsində 12 metrdən 15 metrə qədər genişləndirilib, hərəkət hissəsinin eni 7.5 metr, hər iki istiqamət üzrə çiyinlərin eni isə 3.75 metrdir.

Mingəçevir şəhəri – Mingəçevir dəmiryolu stansiyası avtomobil yolu boyu torpaq işləri, yol yatağının və yol əsasının tikintisi işləri texnoloji ardıcıllığa riayət edilməklə yekunlaşdırılıb. Hazırda yolda asfaltlanma işləri görülür ki, bu işlər də yekunlaşmaq üzrədir. Ümumilikdə, 150 min m2 sahəyə yeni asfalt-beton örtük döşənir. Tikintisi yekunlaşmış ərazilərdə artıq yol nişanları və məlumatverici lövhələrin quraşdırılması, həmçinin yolcizgi və yolgöstərici xətlərin çəkilməsi işləri aparılır. Yol geyimi konstruksiyasının qalınlığı 72 santimetrdir. Bura 30 sm əsasın alt layı, 15 sm əsasın qırmadaş layı, 14 sm əsasın üst layı, 8 sm əlaqələndirici lay və 5 sm aşınma layı daxildir.

Mingəçevir - Bəhrəmtəpə avtomobil yolunun sözügedən hissəsində Kürəkçay üzərində 1 aşırımlı, 18 paqon metr uzunluğunda körpünün, 26 ədəd dairəvi borunun, 1 ədəd alt keçidin və 7 ədəd düzbucaqlı keçidin tikintisi də yüksək keyfiyyətlə aparılaraq, yekunlaşdırılıb. Bütün işlər “Azəravtoyol” ASC-nin rəhbərliyinin nəzarəti altında tərtib olunmuş qrafikə uyğun və yüksək keyfiyyətlə aparılır. Bunun üçün əraziyə lazımi saydı qüvvə cəlb olunub.

Qeyd edək ki, Mingəçevir - Bəhrəmtəpə avtomobil yolunun Mingəçevir şəhəri – Mingəçevir dəmiryolu stansiyası arasındakı olan hissəsinin yenidən qurulması ilə vətəndaşların Bakı - Ələt - Qazax - Gürcüstan Respublikası ilə dövlət sərhədi avtomobil yoluna rahat və maneəsiz şəkildə gediş-gəlişi təmin olunacaq.

Məqalədə:
Xəbər lenti

Xəbər lenti