Bakı. Ləman Zeynalova - Trend:
"Shell plc"nin Direktorlar Şurası "Qazprom" və əlaqəli təşkilatlarla birgə müəssisələrdən, o cümlədən "Saxalin-2" maye qaz istehsalı zavodundakı 27,5 faiz, "Salym Petroleum Development" və Qdansk enerji müəssisəsindəki 50 faizlik payından çıxmaq niyyətini açıqlayıb.
Trend-in "Globenewswire"a istinadən verdiyi məlumata görə, "Shell" həmçinin "Şimal axını 2" qaz kəməri layihəsində iştirakını dayandırmaq niyyətindədir.
2021-ci ilin sonunda "Shell"in Rusiyadakı bu müəssisələrdəki dövriyyədənkənar aktivləri təxminən 3 milyard dollar təşkil edib.