Bakı. Trend:
Qeyri-neft sektoru üzrə qeyri-dövlət (özəl) əsas ixracatçı subyektlərin yanvar-aprel ayları üzrə renkinqi açıqlanıb.
Trend bu barədə İqtisadi İslahatların Təhlili və Kommunikasiya Mərkəzinin açıqladığı “İxrac İcmalı”nın may sayına istinadən xəbər verir.
Məlumata görə, əsas ixracatçı özəl şirkətlərin renkinqinə 39,4 milyon ABŞ dolları ixrac gəliri ilə “MKT İstehsalat Kommersiya” MMC başçılıq edir.
Siyahının ikinci yerində 28 milyon ABŞ dolları ixrac gəliri ilə “AIMKL”nin Azərbaycan Respublikasındakı nümayəndəliyi, üçüncü yerində isə 17,2 milyon ABŞ dolları ixrac gəliri ilə "United Alliance Group Ltd." Şirkətinin Azərbaycan Respublikasindaki Filiali qərarlaşıb.
Qeyri-neft sektoru üzrə qeyri-dövlət (özəl) əsas ixracatçı subyektlərin yanvar-aprel ayları üzrə renkinqi ilə aşağıdakı cədvəldən tanış ola bilərsiniz:
| Şirkətlər | Məbləğ (milyon ABŞ dolları) |
| “MKT İstehsalat Kommersiya” MMC | 39,4 |
| “AIMKL”nin Azərbaycandakı nümayəndəliyi | 28 |
| "United Alliance Group Ltd." Şirkətinin Azərbaycandakı Filiali | 17,2 |
| “Baku Steel Company” QSC | 16,8 |
| "Avrora" MMC | 13,9 |
| "P-AQRO" MMC | 12 |
| "Export Stream" MMC | 10,7 |
| "Binə Aqro" QSC | 10 |
| "Sahdag Sy" MMC | 9,9 |
| "LEPIN LM" MMC | 9,8 |