Bakı. Trend:
Cari ilin sentyabr ayının sonuna olan vəziyyətə görə, Azərbaycanda rezident maliyyə təşkilatları tərəfindən buraxılmış yerli kartlardan istifadə edilməklə həyata keçirilən əməliyyatların sayı (həmçinin statistik vahidin ödəniş kartları) 63,7 min təşkil edib, əməliyyatların həcmi isə 64,52 milyon manat olub.
Trend bu barədə Azərbaycan Mərkəzi Bankına istinadla xəbər verir.
Məlumata əsasən, əvvəlki illə müqayisədə yerli kartlardan istifadə edilməklə həyata keçirilən əməliyyatların sayı 353,3 min vahid və ya 84,7% azalıb, əməliyyatların həcmi isə 20 min manat və ya 0,03% artıb.
Qeyd etmək lazımdır ki, yerli maliyyə təşkilatları tərəfindən buraxılan ödəniş kartları ilə həyata keçirilən əməliyyatların həcmi və sayı ölkə ərazisində fəaliyyət göstərən maliyyə təşkilatları (yerli banklar və ya maliyyə institutları) tərəfindən buraxılan ödəniş kartları ilə həyata keçirilən ümumi əməliyyatların həcmi və sayına şamil edilir.