Bakı. Trend:
Bu ilin yanvarın 1-nə Azərbaycan banklarında fiziki şəxslərin əmanətlərinin həcmi 16,772 milyard manat təşkil edib.
Trend bu barədə Mərkəzi Banka istinadən xəbər verir.
Məlumata görə, əmanətlərin həcmi ötən ilin dekabrın 1-nə nisbətən 590,6 milyon manat və ya 3,6%, ötən ilin yanvarın 1-i ilə müqayisədə isə 2,1 milyard manat və ya 14,4% artıb.
Bu ilin yanvarın 1-nə fiziki şəxslərin milli valyuta (manat) ilə əmanətlərinin həcmi 11,602 milyard manat, xarici valyuta ilə isə 5,170 milyard manat təşkil edib.
Milli valyuta ilə əmanətlərin həcmi ötən ilin dekabrın 1-i ilə müqayisədə 591,8 milyon manat və ya 5,4%, illik müqayisədə isə 1,9 milyard manat və ya 19,2% artıb.
Xarici valyuta ilə isə bu göstərici ötən ilin dekabrın 1-nə olan rəqəmlərə nisbətən 1,1 milyon manat və ya 0,02% azalıb, illik nisbətdə isə 237,7 milyon manat və ya 4,8% artıb.
Beləliklə, bu ilin yanvarın 1-nə fiziki şəxslərin milli valyuta ilə əmanətləri xarici valyutadakını 6,433 milyard manat və ya 2,2 dəfə üstələyib.