Azərbaycan, Bakı / Trend , müxbir İ.Xəlilova / Azərbaycan İnvestisiya Şirkətinin (AİŞ) icraçı direktoru Anar Axundovun verdiyi məlumata görə, Cənubi Koreyanın STX Holdinqi AİŞ-ə
Azərbaycanda gəmiqayırma zavodunun tikintisi layihəsinin texniki-iqtisadi əsaslandırılmasının yekun variantını təqdim edib.
"Qiymətləndirmə sənədləri barədə bizim rəyimiz artaq hazırlanıb və hazırda dekabrın birinci yarısında təqdimata hazırlıqla bağlı iş aparılır" - deyə Axundov bildirib.
Layihənin dəyəri Azərbaycan hökumətinin ssenari seçimindən asılı olacaq. STX bir neçə ssenari üzrə qiymətləndirmə aparıb. "Dənizin dibi qumla örtülüdürsə, dəyər dəyişə bilər, qumla deyil, digər süxurla örtulüdürsə, bu kanalla bağlı işlər bir neçə dəfə artacaq. Bununla yanaşı, dəyər limanın tikintisi ilə bağlı ümumi işlərdən asılı olacaq ki, bu məqsədlə də bir neçə ssenari hazırlanıb" - deyə Axundov bildirib.
Zavod Ələtdə inşa olunacaq.
Layihənin birgə maliyyələşdirilməsinə dair qarşılıqlı anlaşma memorandumu AİŞ və STX arasında 2007-ci il aprelin 24-də Seulda imzlanıb. Layihənin TİƏ-si STX-nin birləşmiş şirkəti tərəfindən hazırlanır. Koreya şirkəti əsas səhmdar kimi çıxış edir, AİŞ 25% iştirak payı əldə etməyə çalışır.
Gəmiqayırma zavodu Azərbaycanın Qaradağ rayonunda yeni neft terminalının və limanın tikintisini tamamlayacaq. Bu terminal Qazaxıstan neftinin "Bakı-Tbilisi-Ceyhan" kəmərinədək tranziti üçün nəzərdə tutulub. Qazaxıstan tankerləri AR-da gəmiqayırma zavodunda təmir oluna bilər.
