Azərbaycan, Bakı / Trend / Azərbaycanın ağciyər xəstəlikləri üzrə Elmi Tədqiqatlar İnstitutunda (ETİ) "Quş qripi" ilə mübarizə aparmaq üçün mənfi təzyiqli xüsusi izolyatorların quraşdırılması planlaşdırılır.
Avadanlığın tədarük olunması üçün Dünya Bankı və Azərbaycan hökumətinin institusional inkişafa texniki yardım layihəsi çərçivəsində tender elan olunub.
Tenderdə iştirak dəyəri 90 AZN və ya 100 dollardır.
Tenderdə maraqlı olan şirkətlər 2008-ci il yanvarın 16-na qədər təklifləri təqdim etməlidirlər. Təkliflər paketinin açılışı isə həmin gün Azərbaycanın Kənd Təsərrüfatı Nazirliyi yanında kənd təsərrüfatı kreditləri üzrə Dövlət Agentliyinin "Quş qripinə" qarşı hazırlıq" layihəsi üzrə ofisdə baş tutacaq.
Qalib şirkət ETİ-də təmir işləri aparmalı və avadanlq quraşdırmalıdır.
