Azərbaycan, Bakı/ " TrendCap ", müxbir Ü.İsmayılova/ Azərbaycan Milli Bankı 2008-ci ildə Azərbaycanda inflyasiyanın mümkün səviyyəsini dəqiqləşdirir. Bu barədə çərşənbə günü Milli Bankın idarə heyətinin sədri Elman Rüstəmov məlumat verib. " Biz 2008-ci ildə inflyasiyanın artım sürətini əhəmiyyətli dərəcədə azaltmağa çalışacağıq"-Rüstəmov bildirib. Azərbaycanın 2008-ci il dövlət büdcəsinə əsasən, ölkədə inflyasiyanın səviyyəsi 12-13 faiz olacaq. Rüstəmovun sözlərinə görə, 2008-ci ildə Azərbaycan hökuməti birrəqəmli inflyasiyanı qoruyub saxlamağa çalışacaq. Lakin yüksək iqtisadi artım sürəti, ödəmə balansı profisitininin gözlənilən artımını nəzərə alsaq, bu çətin proses olacaq. Rüstəmovun sözlərinə görə, bankın analizlərinə əsasən, idxal hesabına inflyasiya 7 faiz artıb. Bu, dünya bazarında ərzaq məhsulları və neftin qiymətinin artması ilə əlaqədardır və Azərbaycandakı makroiqtisadi vəziyyətə təsir göstərib. "İlin sonuna kimi Azərbaycanda inflyasiyanın səviyyəsinin 17-18 faiz olacağı gözlənilir"-Rüstəmov bildirib.
...
