Azərbaycan, Bakı, 28 yanvar / müxbir Ü.İsmayılova/ Azərbaycanın NİKOYL bankı (Rusiya kapitalının iştirakı ilə) ipoteka kreditləri üzrə maksimal məbləği $200 mindən $400 minədək artırıb. Bu barədə bankın bazar ertəsi yaydığı məlumatda deyilir.
Bankın ipoteka krediti şərtlərinə əsasən, Azərbaycan vətəndaşlarına kredtilər 20 ilə, ilkin ödənişin səviyyəsindən asılı olaraq, 16%-dən 18% dək illik faiz dərəcəsi ilə təqdim olunur.
NİKOYL bankın kreditinin köməyi ilə mənzil dəyərinin 80%-ə qədərini ödəmək olar.
Kreditin məqsədli istifadəsi - hazır mənzilin və fərdi yaşayış evlərinin alınması proqramın məcburi şərtidir.