Azərbaycan, Bakı, 14 fevral/ Trend , müxbir İ.Xəlilova/ Lənkəran dəmir-beton zavodu (2002-ci ildən Lənkəran dəmir-beton SC) fəaliyyət profilini dəyişdiyini bildirib və martdan monolit betona sifarişlər qəbul etməyə başlayır. Bu barədə müəssisənin rəhbəri Zakir Əhədov məlumat verib.
1968-ci ildə müəssisə açılarkən onun fəaliyyəti, illik gücü 45 min kubmetr olmaqla, dəmir-beton istehsalına ixtisaslaşıb.
"Lakin 1992- ci ildə Azərbaycanda meliorasiya işlərinin qismən dayandırılması və bunun nəticəsində sifarişlərin olmamasına görə, fəaliyyətimizi dayandırmağa məcbur olmuşuq", - Əhədov bildirib.
Zavod 1997-ci ildən bərpa edilsə də, bu gün fəaliyyət profilinin dəyişdirilməsinə böyük ehtiyac var. Belə ki, ölkənin tikinti bazarı yeni şəraitdə inkişaf etməyə başlayıb. Onun sözlərinə görə, dəmir-betona təlabat təkcə Lənkəranda deyil, digər qonşu ölkələrdə də azalıb.
Əhədov hesab edir ki, istehsalın sağlamlaşdırılması, yeni texnikanın, tikinti materiallarının təyinatına üzrə daşınması məqsədilə nəqliyyat vasitələrinin alınması üçün, investisiyaların cəlb edilməsi lazımdır. Zavod rəhbəri öz proqramının reallaşdırılması üçün Dövlət Əmlakının İdarə edilməsi üzrə Dövlət Komitəsindən beynəxalq maliyyə təşkilatları ilə əməkdaşlığın yaranmasına yardım etməyi istəyib.
Məqalə müəllifinin ünvanı: [email protected]