Azərbaycan, Bakı, 16 fevral / Trend / 2007-ci ildə Azərbaycana 70 963 minik avtomobili idxal olunub ki, bu da 2006-cı il göstəricisindən 1,3 faiz çoxdur.
Dövlət Statistika Komitəsindən verilən məlumata görə, 2007-ci ildə gətirilən minik avtomobillərinin ümumi dəyəri 465,1 mln. dollar təşkil edib. Bu rəqəm 2006-cı ilin analoji dövr göstəricisindən 5,3 faiz çoxdur.
2007-ci ildə Azərbaycana 9772 yük avtomobili idxal olunub ki, bu da 2006-cı il göstəricisindən 28,2 faiz çoxdur. Avtomobillərin ümumi dəyəri 144 mln. dollar təşkil edib ki, bu, 2006-cı il göstəricisindən 83 faiz çoxdur.
