Azərbaycan, Bakı, 18 fevral/ Trend , müxbir İ.Xəlilova/ 2008-ci il yanvarın yekununa görə, Azərbaycanda orta aylıq əmək haqqının məbləği 230 manat təşkil edib ki, bu da ötən il üzrə analoji göstəricidən 31,4 faiz çoxdur.
Ən yüksək maaş mədən sənayesində, maliyyə fəaliyyəti sahəsində, daşınmaz əmlakla əməliyyatlarda, icarə və istehlak sahələrində xidmətlərin göstərilməsi, həmçinin, tikinti sektorunda işləyənlərdə qeydə alınıb.
Hesabat dövrü ərzində orta əmək haqqı ayda əhalinin adambaşına düşən orta pul gəlirlərini 60 faizdən çox ötüb.
Yanvarda adambaşına düşən nominal gəlirlər 143,2 manat təşkil edib ki, bu 2007-ci ilin analoji dövründən 28,4 faiz çoxdur. Əhalinin adambaşına düşən real pul gəlirləri 33,2 faiz artaraq 129,1 faiz təşkil edib.
Yanvarın yekunlarına görə, Azərbaycan əhalisinin nominal pul gəlirləri 1218,7 mln. manat təşkil edib və bu, ötən ilin göstəricisindən 29,9 faiz çoxdur. Bu dövr ərzində əhalinin real pul gəlirləri 34,8 faiz artımla 1099,4 mln. manata çatıb.
Əhali ay ərzində öz şəxsi gəlirlərindən malların alınması və xidmətlərə 80,2 faiz, vergilərin ödənilməsi, sosial sığorta və məcburi üzvlük haqqların ödənilməsinə - 9,8 faiz, kapitalın yığılması və artırılmasına isə - 10 faiz ayırıb.
