Azərbaycan, Bakı, 20 fevral / Trend , müxbir İ.Xəlilova / Azərbaycanda fəaliyyət göstərən lizinq şirkətlərinin vergiqoyma problemlərinin həlli üçün Azərbaycanda və Mərkəzi Asiyada Lizinq Maliyyələşməsi Fondu yanında Beynəlxalq Maliyyə Korporasiyasının texniki yardım layihəsi, lizinq fəaliyyəti sahəsində qüvvədə olan qanunvericiliyə dəyişikliklərin edilməsinə dair təkliflər hazırlayıb, - çərşənbə günü layihə rəhbəri Teymur Heybətov deyib.
Onun sözlərinə görə, əvvəlcə lizinq assosiasiyası və lizinq şirkətləri səviyyəsində muzakirə ediləcəklər.
Təkliflərin mahiyyəti ölkədə lizinq fəaliyyəti üçün əlavə dəyərə (ƏDV) və ƏDV-yə lizinq əməliyyatlarının cəlb edilməsinə daha məqbul vergi mexanizminin tətbiqindən ibarətdir.
"Yeni mexanizm ƏDV-ni lizinq ödəmələrində hesaba almağa imkan verəcək, bu da həm müştərilərə, həm də lizinq şirkətlərinə xeyirlidir. Hazırki şəraitdə lizinq şirkətlərinə ƏDV qoyulmur, lizinq əşyası texnika və avadanlıqlar isə, vergiyə cəlb olunurlar", - Heybətov deyib.
Vergi Məcəlləsinə müvafiq olaraq, lizinq əməliyyatları əvvəldən maliyyə xidmətlərinə aid edildiyindən, onlara bu vergi qoyulmayıb. Nazirlər Kabinetinin sərəncamına əsasən, ƏDV-dən azad olunan mal mövqeləri siyahısının ixtisara salınması nəticəsində,lizinq üçün texnika və avadanlıq vergi obyektinə çevrilib. Bu, lizinq xidmətlərinin bahalaşmasına gətirir, həmçinin,müştəri və lizinq şirkətinin qarşılıqlı əlaqələrində əks olunur.
Layihə rəhbəri hesab edir ki, Azərbaycan üçün Qazaxıstanın lizinq vergi sistemi uyğun gələ bilər. Qırğızıstanda bu yaxınlarda onun həyata keçirilməsi başlayıb.
BMK layihəsi 2004-cü ildən fəaliyyət göstərir. Onun çərçivəsində Azərbaycanda Lizinq Şirkətləri Assosiasiyasının yaradılması təşəbbüsü edilib.
