Azərbaycan, Bakı, 26 fevral / Trend , müxbir İ.Xəlilova / Avropa Yenidənqurma və İnkişaf Bankı (AYİB) güman edir ki, Azərbaycandakı dəmir yolu təsərrüfatının təkmilləşməsinin ikinci mərhələsində iştirak edə biləcək, - AYİB-in Bakı nümayəndəliyinin başçısı Fransis Delei deyib.
İlkin mərhələdə bu mümkün deyil, çünki Azərbaycan hökuməti Dünya Bankının $450 mln. dəyərində (Azərbaycanın iştirak payı ilə birgə - $673,8 mln.) kreditini artıq cəlb edib, dəmir yollarının inkişafı Dövlət Proqramının ümumi dəyəri isə $1,4 mlrd. təşkil edir.
"Dəmir yolları üçün investisiya proqramlarına çox önəmli layihələr daxildir və ölkə hökuməti məqsədəuyğun hesab etsə, AYİB maliyyələşmənin həm birinci, həm də ikinci mərhələsində iştirak etməyə hazırdır", - Delei deyib.
Avrobank dəmir yolu sahəsində layihəni Avropa İnvestisiya Bankı (AİB) ilə birgə $500 mln. həcmində maliyyələşdirməyə hazır olduğunu bildirib. Nümayəndəlik başçısının sözlərinə görə, layihənin birgə maliyyələşdirilməsində ədatən hər tərəfin iştirakı 50 faiz təşkil edir
Birgə maliyyələşmədə, adətən, birləşdirilmiş kreditin şərtləri sadələşir. AİB-in şərtlərinə əsasən, kreditlər libor+0,5 faiz dərəcəsi ilə, Avropa bankı isə - libor+1 faizlə verilir.
Bu beynəlxalq maliyyə institutları Azərbaycanda dəmir yolunun təkmilləşməsinə dair bütün işləri maliyyələşdirməyə hazırdır, - ölkə nümayəndəliyindən bildiriblər.
AİB layihəni Avropa İttifaqının Avropa qonşuluq siyasəti çərçivəsində vəsaiti hesabına maliyyələşdirməyi planlaşdırır, buna görə də prioritet iki-üç və daha çox ölkəni birləşdirən regional xarakterli layihələrə verilir.
AYİB və AİB Rusiyaya, Ukraynaya, Moldovaya, Cənubi Qafqaz dövlətlərinə və Mərkəzi Asiyaya investisiya yatırmağa hazır olduqlarını bildiriblər. Aİ Şurası birgə maliyyələşdirmə çərçivəsində. 2013-cü ildən 3,7 mlrd. avro və ya hər il 500 mln. avro yönəltməyə hazırdır.
Müəlliflə əlaqə ünvanı: capital
