Azərbaycan, Bakı, 05 mart / Trend , müxbir S.Əliyev/ "2008-2011-ci illər üçün Azərbaycan dəmir yollarının inkişafı üzrə Dövlət Proqramı"nın realizəsinə may ayında başlanılması nəzərdə tutulur,- çərşənbə günü Dəmir Yolu İdarəsindən bildiriblər. Hazırda Proqram respublika hökumətinin müzakirəsindədir.
Bu Proqramın realizəsi $1,2 mlrd. həcmində dəyərləndirilir və dəmir yolunun lokomotiv və vaqon parklarının yenidən qurulması, energetika təsərrüfatının yaxşılaşdırılması, yol təsərrüfatının yenidən qurulması və digər infrastrukturların bərpa edilməsi ilə bağlı işlər nəzərdə tutulur.
Proqramın təsdiqinin ləngiməsi Azərbaycan Dövlət Dəmir Yolu İdarəsinin yenidən təşkili ilə əlaqədardır. Hazırda yenidən təşkil olunmanın mümkün formaları nəzərdən keçirilir.
Məlumatlı mənbələrdən bildiriblər ki, proqramın təsdiqi nəzərdə tutulan işlərin həcmi ilə də bağlı ola bilər. Bu, yeni ifrastrukturun yaradılması ilə deyil, əsasən, mövcud infrastrukturun yenidən qurulması ilə əlaqədar ola bilər (bunun üçün Proqramda vəsaitin yarısı nəzərdə tutulub).
Müəlliflə əlaqə ünvanı: [email protected]
