Azərbaycan, Bakı, 03 aprel/ Trend , müxbir Ü.İsmayılova/ Azərbaycanın iri sığorta şirkətlərindən biri Az Sigorta törəmə Life şirkəti açmaq niyyətindədir. Bu "Sığorta fəaliyyəti haqqında" yeni Qanunda nəzərdə tutulub. Bu barədə cümə axşamı şirkətin baş direktorunun müavini Xəyal Məmmədxanlı məlumat verib.
"Life-şirkətin yaradılması şirkətin yaxın planlarına daxildir", - o bildirib.
Azərbaycanda "Sığorta fəaliyyəti haqqında" yeni Qanun martın 15-dən qüvvədədir. Təsdiq edilmiş Qanuna əsasən, sığorta şirkətləri Life və Non-life şirkətlərə ayrılacaqlar (üç il ərzində). Life şirkətlər sığortaçılara iki il minimal müddətlə toplama sığorta təqdim edəcək.
Məmmədxanlının sözlərinə görə, şirkət hazırda həyat sığortası ilə deyil, həyatın bədbəxt hallardan sığortası ilə məşğul olur.
2006-cı ildən fəaliyyət göstərən Az Sigorta 28 növ sığorta xidməti göstərir və bunlardan 3-ü məcburidir. Şirkətin 2007-ci ilin yekunlarına görə, ilk dəfə olaraq beş mln. manat təşkil edən yığımların həcminə görə, Azərbaycanın sığorta şirkətləri arasında liderlərin onluğuna daxil olub.
Müəlliflə əlaqə saxlamaq üçün elektron ünvan: [email protected]