Azərbaycan, Bakı, 23 aprel/ Trend müxbir İ.Xəlilova/ Bu gün Bakıda, Asiya İnkişaf Bankının (AİB) Mərkəzi və Şərqi Asiya üzrə Departament direktorunun müavini Şon O`Salevan Azərbaycanla yaxın əməkdaşlıq perspektivləri haqqında məsləhətləşmələr aparıb. Bu barədə çərşənbə günü AİB-in Bakı nümayəndəliyindən məlumat veriblər. Onun Azərbaycana səfərinin əsas məqsədi CAREC proqramı (Mərkəzi Asiya regional iqtisadi əməkdaşlıq) çərçivəsində tədbirlərdə iştirakdır. Bu gün ticarət loqistikası və dəhlizlərin effektliliyinin monitorinqi üzrə seminar öz işinə başlayıb. Aprelin 24-25-də isə yüksək vəzifəli şəxslərin görüşü keçiriləcək.
O`Salevan həmçinin ölkənin Nazirlər Kabinetində, "Azərenerji" SC-də, Nəqliyyat Nazirliyində görüşlər keçirib.
Nəqliyyat Nazirliyində Azərbaycandakı yol layihələri üçün 2007-ci ilin sentyabrında, $500 mln. məbləğində təsdiq edilmiş multitranş paketin (Multitranche Financing Facility - MFF) qalan vəsaitlərinin gələcək istifadəsi üzrə müzakirələr keçirilib.
AİB MFF vəsaitlərinin hesabına Yevlax-Gəncə və Qazax - Gürcüstan sərhəddi qərbi- şərqi avtomagistalının sahəsi üzrə yenidənqurma layihəsini maliyyəlşdirməyə hazırdır.
Gəncə dairəvi yolunun tikintisinə $25 mln.-dan $44 mln.-dək vəsait ayrıla bilər. Lakin bank, $50-60 mln. civarında məbləğ təklif edib. Nazirlikdə qeyd ediblər ki, dövlətin iştirakı ilə bankın payı $25 mln., maliyyələşdirmə tamamilə AİB-in üzərinə qoyularsa, kreditin məbləği $44 mln. təşkil edəcək.
Vəsait çatışmazlığına görə, Gəncə dairəvi yolunun tikintisi üçün podratçının müəyyən edilməsi üzrə tender proseduru dayandırılıb. Lakin AİB çatışmayan hissəni maliyyələşdirməyə hazır olduğuna görə, tender prosedurunun bərpa edilməsinə icazə verib.
Layihənin bahalaşması onunla bağlıdır ki, o 2005-ci ildə hazırlanıb, lakin iki il ərzində tikinti materiallarının qiyməti artıb, müvafiq olaraq isə əlavə xərclərə zəmin yaranıb.
Uzunluğu 88,8 km olan birinci sahə -- Yevlax-Gəncə sahəsinin ümumi dəyəri 58,7 mln. dollar təşkil edir. Onlardan 10,4 mln. dollar İslam İnkişaf Bankının, 11 mln. dollar Səudiyyə İnkişaf Fondunun, 24 mln. dollar AİB və 13,3 mln. isə Azərbaycan hökumətinin payına düşür. Uzunluğu 38,8 km olan ikinci sahə Qazax-Gürcüstan sərhəddi 30 mln. dollar məbləğində qiymətləndirilir. O AİB- in 28 mln. dollarlıq krediti və Azərbaycan payı ( 2mln.dollar) hesabına maliyyəlşdiriləcək.
MFF çərçivəsində Asiya Bankı hazırda Masallı-Astara avtomagistralının bərpasına 200 mln. dollar ayrılmasına razılıq verib.
Bu gün AİB dövlət xətti ilə $304 mln., ölkənin özəl sektoru üçün - $56 mln., texniki yardım üçün isə $10 mln.-dan çox maliyyələşdirməni təqdir edib.
Aprelin 23-ə olan rəsmi məzənnə - 0,8276 AZN/USD.
Müəlliflə əlaqə saxlamaq üçün elektron ünvan: [email protected]