...

Azərbaycan Mikromaliyyələşdirmə Bankının bazar payı artıb

Biznes və iqtisadiyyat xəbərləri Materials 10 İyun 2008 16:39 (UTC +04:00)

Azərbaycan, Bakı, 10 iyun/ Trend , müxbir İ.Xəlilova/ Azərbaycan Mikromaliyyələşdirmə Bankının (AMMB) səhmdarları bu gün Nizamnamə kapitalının ödənilməsini başa çatdıraraq, onu 9 mln. manat artırıblar. Bu barədə çərşənbə axşamı bankdan məlumat veriblər. Nəticədə, AMMB-nin kapitalı 20 mln. manatadək artıb.

Bütün mövcud səhmdarlar bank kapitalının artırılmasında iştirak payına proporsional surətdə iştirak ediblər. AMMB-nin strukturu əvvəlki səviyyədə qalıb və aşağıdakı kimidir: Avropa Yenidənqurma və İnkişaf Bankı, Beynəlxalq Maliyyə Korporasiyası, Qaradəniz Ticarət və İnkişaf bankı və KfW Development Bank hər biri 20 faiz, AccessHolding - 16,53 faiz, Almaniyanın LFS Financial Systems GmbH şirkəti - 3,47 faiz.

Azərbaycan Mikromaliyyələşdirmə Bankı bu artırmadan sonra Nizamnamə kapitalı və məcmu kapitalın həcminə görə, yerli banklar arasında yeddinci yeri tutur.

İlin əvvəlindən kredit portfeli 48 faiz artıb və $170 mln.-a çatıb. Bu ilin ilk beş ayı ərzində bankın depozit portfeli 65 faiz artıb. Filialların coğrafiyası da genişlənir - mayda Qazaxda filial açılıb. Yaxın gələcəkdə daha iki regional filialın açılması planlaşdırılır.

Hazırda AMMB bankın adının AccessBank-a dəyişdirilməsi ilə bağlı hüquqi məsələlərin həllinə başlayıb. Bu, ilin sonuna-oktyabrın əvvəlinə mümkün olacaq. Bankın adının dəyişdirilməsi prosesi onun yeni Nizamnaməsinin qəbul olunmasını və yenidən qeydiyyatdan keçməsini tələb edir. Bankın xarici səhmdarlarının sayı çox olduğundan, bu məsələnin razılaşdırılması vaxt aparır. Bundan əlavə, Azərbaycan Milli Bankının razılığı tələb olunur.

İyunun 10-a olan rəsmi məzənnə - 0,8178 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti