Azərbaycan, Bakı, 12 iyun / Trend İ.Xəlilova / Azərbaycanın Əhalinin Əmanətlərinin Sığortalanması Fondu (ADIF) 2008-ci ilin ikinci rübünün yekunları üzrə, Fondun sığorta etdiyi depozit portfelininin 2,2-2,3 mln. manat artacağını gözləyir. Bu barədə cümə axşamı ADIF-in icraçı direktoru Azad Cavadov bildirib. Bu, 2008-ci ilin II rübünün yekunları üzrə ADIF-nin 37 üzvündən təqvim ödəmələrinin toplanılmasının başa çatmasından sonra mümkün ola bilər.
Cavadov bildirib ki, bankların Sığorta Fondunun reyestrinə daxil olarkən ödədikləri birdəfəlik üzvlük haqqı (10 min manat) nəzərə alınmaqla, iyulun əvvəlində daxilolmaların ümumi həcmi birinci rübün yekunları üzrə 5 549 min manata qarşı 7,7 mln. manat təşkil edə bilər. Bununla bərabər, fiziki şəxslərin Fonda üzv banklardakı əmanətləri 1 497,79 mln. manat təşkil edib. Ödənilməyən əmanətlər 220,3 mln. manata çatıb, Fond tərəfindən sığorta edilən əmanətlər isə, 1 277,49 mln. manat təşkil edib. Rübün nəticələrinə görə, Fonda 841 min manat, $1 094 min və 130 min avro təqvim ödəmələri keçirilib.
Sığorta olunan əmanətçilərin sayı 1 124 804 nəfərdir.
Fond 2007-ci il avqustun 13-də fəaliyyətə başlayıb. 2008-ci ilin əvvəlindən maksimal sığorta məbləğini 6 min manatadək artırıb, 2010-cu il yanvarın 1-dən bu məbləğ 8 min manatadək artırılacaq.
Fondan əmanətlərin sığorta edilməsi haqqında qanuna əsasən, 2008-ci il yanvarın 1-dək 4 min manatadək məbləğdə əmanətlər tam sığortalanıb.
Faiz dərəcəsinin AMB-nin uçot dərəcəsini (bu gün 15 faiz) 1,8 dəfə ötən əmanətlər sığortalanmayacaq. Beləliklə, sığorta edilən əmanət üzrə dərəcə 27 faizədək ola bilər. Banklar bu əmanətləri qəbul edərkən, sığorta Fondunda vəsaitlərin olmaması haqqında müştəriləri xəbərdar etməlidir.
İyunun 12-də cari məzənnə 0,8184 AZN/USD təşkil edir.
Müəlliflə əlaqə saxlamaq üçün elektron ünvan: [email protected]
