Azərbaycan, Bakı, 21 iyun / Trend , müxbir S.Babayeva / Dövlət Gömrük Komitəsindən bildirilib ki, yanvar-mayda Azərbaycanın nəqliyyat vasitələri ilə 33490,9 min ton yük daşınıb, bu da 2007-ci ilin anoloji dövr göstəricisi ilə müqayisədə, 4,5 dəfə çoxdur. Bu dövr ərzində yük ixracı 29548,2 min ton, idxal - 3942,7 min ton təşkil edib.
Komitənin məlumatında bildirilir ki, beş ay ərzində dəniz nəqliyyatı ilə 271,5 min ton, dəmir yolu nəqliyyatı ilə -7611,7 min ton, avtomobil nəqliyyatı ilə - 272,4 min ton, hava nəqliyyatı ilə - 1,9 min ton, boru kəmərləri ilə nəql 21387,3 min ton təşkil edib.
Yanvar-mayda Azərbaycan ərazisindən tranzit vasitəsi ilə 2281,1 min ton yük daşınıb, bu da ötən ilin anoloji dövr göstəriciləri ilə müqayisədə təxminən 36 faiz çoxdur.
Azərbaycandan tranzitlə İsveçrəyə 895,5 min ton, İtaliyaya - 913,9 min ton, Gürcüstana - 435,3 min ton, Tacikistana - 195,8 min ton, Türkiyəyə - 108,4 min ton, İrana - 120,2 min ton, Rusiyaya -81,7 min ton, Qazaxısnata - 18,1 min ton, Türkmənistana - 69 min ton yük daşınıb.
