Azərbaycan, Bakı, 18 avqust/ Trend / Yanvar-iyulda Azərbaycan Əhalinin Sosial Müdafiə Fondunun gəlirləri 753,36 mln. manat təşkil edib ki, bu da 2007- ci ilin analoji dövründən 188,84 mln. manat və ya 33,45 faiz çoxdur. Bu barədə bazar ertəsi Fonddan məlumat veriblər.
O cümlədən, icbari sosial sığorta haqlarından gəlirlər 485,82 mln. manat, büdcə təşkilatlarından gəlirlər - 200,02 mln. manat, qeyri-büdcə təşkilatlarından - 285,8 mln. manat təşkil edib.
Bu dövr ərzində dövlət büdcəsinə 266,65 mln. manat ödənilib ki, bu da 2007-ci ilin yanvar-iyulundan 74,31 mln. manat çoxdur. Qalan gəlirlər 0,89 mln. manat təşkil edib.
Yanvar-iyul ərzində Fondun xərcləri 732,36 mln. manat təşkil edib ki, bu da 2007- ci ilin analoji dövründən 164,3 mln. manat çoxdur.
Əhaliyə ödəmələr 710,65 mln. manat, əmək pensiyalarının ödənilməsi 691,75 mln. manat, icbari dövlət sosial sığortası xərcləri 18,9 mln. manat, digər xərclər 21,71 mln. manat təşkil edib.
