Azərbaycan, Bakı, 28 avqust / Trend , müxbir Ü.İsmayılova/Azərbaycan Respublikası prezidentinin əmək pensiyasının sentyabrın 1-dən dörddə bir dəfə artırılması ilə bağlı 25 avqust tarixli sərəncamına əsasən, əhaliyə artırılmış hissənin ödənilməsi üçün Əhalinin Sosial Müdafiəsi Dövlət Fonduna (ƏSMDF) 91 milyon manat lazım olacaq, - cümə axşamı rəsmi mətbuata müsahibədə Fondun rəhbəri Səlim Müslümov deyib.
"Əlavə maliyyələşmənin ümumi məbləğindən 18,2 mln. manat birinci ayda ödəniləcək, qalan 72,8 mln. manat isə növbəti dörd ayda bölüşdürüləcək", - Səlimov bildirib. Əmək pensiyasının baza hissəsi 75 manatadək artırılıb.
Sosial Müdafiə Fondunun rəhbərinin sözlərinə görə, sentyabrda orta əmək haqqının minimal səviyyəsinin 75 manatadək artırılması ilə bağlı Azərbaycan prezidentinin 25 avqust tarixli sərəncamından sonra bu məbləğin 93,5 manat təşkil edəcəyini nəzərə alsaq, minimal əmək pensiyasının səviyyəsi əmək ödəmələrinin 36,5 faizini təşkil edəcək.
"Azərbaycan bu səviyyəni 40 faizə çatdırmaq üçün Avropa sosial xartiyasına daha da yaxınlaşır və bunun üçün bizdə bütün imkanlar var", - Müslümov vurğulayıb.
"Azərbayan prezidentinin 25 avqust tarixli sərəncamına əsasən, sentyabrın 1-dən minimal əmək haqqı da 75 manatadək artırılacaq.
Avropa sosial xartiyasının və beynəlxalq əmək təşkilatının tələbləri ödənilən pensiyanın məbləğini itirilmiş qazancın 40 faizindən az olmamaqla müəyyən edir.
ƏSMDF-nin məlumatlarına görə, Azərbaycanda rəsmi olaraq 1,26 mln. təqaüdçü qeydə alınıb.
