Azərbaycan, Bakı, 10 oktyabr/ Trend , müxbir N.İsmayılova/ "Beynəlxalq Maliyyə Korporasiyası (BMK) ilin sonunda Azərbaycanın kiçik və orta sahibkarlığının nümayəndələri arasında sorğu vasitəsilə keçirilən biznes - mühitin monitorinqinin nəticələrini açıqlamağı planlaşdırır, ölkədə biznes - mühitin təkmilləşdirilməsi layihəsinin rəhbəri Boris Divjak (Boris Divjak) cümə günü bildirib.
Onun sözlərinə görə, BMK ötən ilin sonunda Azərbaycanın işgüzar mühitinin araşdırılmasına başlayıb və bu gün 1800 şirkət arasında sorğunu başa çatdırıb.
"Layihənin əsas məqsədi özəl şirkətlərin bazarda səmərəli fəaliyyət göstərə bilmələri məqsədilə onlar üçün inzibati prosedurların sadələşdirilməsindən ibarətdir, - layihənin meneceri bildirib. Bu prosedurlara artıq keçirilmiş biznesin qeydiyyatının sadələşdirilməsi ("vahid pəncərə"nin tətbiqi) və hazırda işlənilməkdə olan lisenziya və icazələrin verilməsi prosesinin sadələşdirilməsi üzrə proqram aiddir.
Gələn il Korporasiya hökumətə lisenziya və icazələrin hər növü üzrə öz tövsiyələrini təqdim edəcək. Dünya Bankı bu layihədə BMK - nı dəstəkləyib.
Layihə BP şirkəti və Isveçrənin Iqtisadi Məsələlər üzrə Dövlət Katibliyi tərəfindən birgə realizə olunur.
Proqram beş ilə nəzərdə tutulub. O sahibkarların fəaliyyətində tənzimləyici maneələrin azalması, kiçik və orta sahibkarlıq arasında sorğu yolu ilə biznes - iqlimin monitorinqinin keçirilməsi, maarifləndirmə işi aparmaqla sahibkarların hüquqi biliklərinin artırılmasıdır.
Azərbaycan hökuməti 2007 - 2008 - ci illərdə "vahid pəncərə" prinsipinin tətbiqi ilə sahibkarlıq fəaliyyətinin qeydiyyatı prosesində islahatlara başlayıb. lisenziyalaşdırma və tikililərə icazələrin verilməsi sisteminin təkmilləşdirilməsi, sərmayədarların hüquqlarının müdafiəsi üzrə iş aparılıb, vergi sistemi və əmək fəaliyyəti sahəsinə dəyişikliklər edilib.
BMK bəzi inzibati prosedurların sadələşdirilməsi və sahibkarlıq fəaliyyətinin başlaması üçün əsas tənzimləyici maneələrin aradan qaldırılmasında islahatlara dəstək göstərməyə hazırdır. Korporasiya, xüsusilə də qanunvericilik təkmilləşdirildikdən sonra, tənzimləyici lisenziyalaşdırma sisteminin tətbiqində və icazələrin verilməsində hökumətə yardım göstərəcək.
Seco biznes - iqlimin təkmilləşdirilməsi üçün hökumətə $4,3 mln., BP şirkəti $0,456 mln.-a yaxın qrant təqdim edib.
BMK MDB ölkələrində biznes - iqlimin təkmilləşdirilməsi layihələri vasitəsilə dəyişikliklər etməyə və 11 əsas qanun - qaydanın qəbuluna yardım edib ki, bu da kiçik və orta sahibkarlara $93 mln. qənaət etməyə imkan verib.
Müəlliflə əlaqə saxlamaq üçün elektron ünvan: [email protected]
