Azərbaycan, Bakı, 15 oktyabr/ Trend , müxbir N.İsmayılova/ "Azərbaycanın Mikromaliyyə Təşkilatları Assosiasiyası (AMFA) noyabrın 2-7-də Vaşinqtonda Mikromaliyyə Assosiasiyaları Sammitində iştirak edəcək", - AMFA - nın icraçı direktoru Jalə Hacıyeva bildirib.
Onun sözlərinə görə, sammitdə təşkilatların inkişaf potenisalı və özünüdoğrutlmaya nail olmaqda qarşıya çıxan problemlərin həlli üçün üsul və alətlərin tapılması, qrant vəsaitlərindən yeni üzvlük xidmətlərinin yaradılmasında səmərəli istifadə məsələləri nəzərdən keçiriləcək.
"Assosiasiyalar qrantlardan asılı olmamaq üçün addımlar atır. Onlar qrantlardan asılı olmasalar, üzv təşkilatların ehtiyaclarının ödənilməsinə və onlara inkişafda kömək etməyə daha çox diqqət ayıra biləcək, müstəqil olmaqda özlərinə yardım edəcəklər", - Hacıyeva bildirib.
Ötən il sammitdə dünya üzrə 36 Assosiasiya iştirak etdiyi halda, bu il onların sayı 45 olacaq.
AMFA bu sammitdə altıncı ildir ki, iştirak edir. 2007-ci ildə o, "Xidmət göstərilməsi sahəsində ən yaxşı Assosiasiya" titulunu alıb. Nominasiyalar təşkilatçılar tərəfindən 2006-cı ildən təklif edilib.
Müəlliflə əlaqə saxlamaq üçün elektron ünvan: [email protected]
