Azərbaycan, Bakı, 22 oktyabr/ Trend , müxbir Ü.İsmayılova/ "Azərbaycanın ən iri sığorta şirkətlərindən (SŞ) biri AzSigorta beynəlxalq maliyyə sabitliyi reytinqinin alınması üçün Standard & Poor's şirkətinə müraciətdən imtina edib", - şirkətin Baş direktor müavini Xəyal Məmmədxanlı çərşənbə günü bildirib.
"Biz beynəlxalq maliyyə hesabatlılığı reytinqini almaq üçün A.M. BEST reytinq şirkətinə müraciət etmək niyyətindəyik", - Məmmədxanlı bildirib.
Şirkətin Baş direktor müavininin sözləinə görə, AzSigorta əvvəllər Standard & Poor's-a müraciət etməyi planlaşdırsa da, sonradan onun şirkətə ölkə reytinqindən yuxarı reytinq vermədiyi aydın olub.
İlin əvvəlində Fitch Ratings beynəlxalq Reytinq Agentliyi Azərbaycan üçün milli və xarici valyutada "BB+" səviyyəsində uzunmüddətli emitent defoltu reytinqini təsdiq edib. Bu göstərici üzrə iqtisadi perspektiv sabit kimi qiymətləndirilib. Xarici valyutada qısamüddətli emitent defoltu reytinqi "B" səviyyəsində, ölkə maksimumu "BB+" səviyysəində təsdiq edilib.
Məmmədxanlının sözlərinə görə, AzSigorta şirkəti ötən ay korporativ idarəetmənin vəziyyəti üzrə auditi başa çatdırıb. Auditi Moody's aparıb. Reytinq bu ilin auditinin yekunları üzrə alınacaq.
"Alınmış reytinq şirkətin maliyyə sabitliyini təsdiqləyərək, etibarın yüksəlməsinə və dünya sığorta bazarına çıxışa xidmət edəcək", - Məmmədxanlı bildirib.
2006 - cı ildən fəaliyyət göstərən AzSigorta 28 növ sığorta xidməti göstərir. Onlardan üçü icbaridir. Şirkətin Nizamnamə kapitalı 2 mln. manat təşkil edir. Azərbaycanın Maliyyə Nazirliyinin məlumatlarına əsasən, yanvar-sentyabrda şirkət 7,19 mln. manat məbləğində sığorta haqqı toplayıb. Ödənişlər 1,35 mln. manat təşkil edib.
A.M. Best reytinq şirkəti bütün dünyada sığorta sahəsi üçün maliyyə məlumatları üzrə aparıcı reytinq və informasiya təchizatçısıdır.
Oktyabrın 22 - nə olan cari mübadilə məzənnəsi -- 8112 AZN/USD.
Müəlliflə əlaqə saxlamaq üçün elektron ünvan: [email protected]
