Azərbaycan, Bakı, 28 oktyabr/ Trend , müxbir Ü.İsmayılova/ Yanvar-sentyabr ərzində Azərbaycanın "Qarant Sıgorta" şirkətinin sığorta haqları 5,67 mln. manat təşkil edib. Bu barədə bazar ertəsi şirkətdən məlumat verilib.
Bu dövr ərzində sığorta ödəmələrinin həcmi 3,5 mln. manat təşkil edib, o cümlədən könüllü sığorta növü üzrə 2 mln. manat, icbari sığorta üzrə isə 1,5 mln. manat ödəmə aparılıb.
"Qarant Sigorta" doqquz ay ərzində dövlət büdcəsinə 200 min manatdan çox vergi ödəyib.
"Qarant Sigorta" 2007-ci ilin noyabr ayında qeydiyyatdan keçib və cari ilin əvvəlində faktiki fəaliyyətinə başlayıb. Şirkət sığortanın 18 könüllü, dörd icbari növü üzrə xildmət göstərir. Müştərilər ilə bağlanan müqavillərin əsas hissəsini "Fərdi qəzalardan sığorta", "Hüquqi şəxslərə məxsus əmlakın sığortası", "Avtomobillərin sığortası (KASKO)" üzrə müqavilər təşkil edir. Şirkətin nizamnamə kapitalı iyulda dörd dəfə artaraq dörd mln. manata çatıb və bu göstəriciyə görə, "Qarant Sigorta" Azərbaycan sığorta şirkətləri arasında beşinci yeri tutur.
Məqalə müəllifi ilə əlaqə ünvanı: [email protected]
