...

Bakı bazarında mənzilə tələbat iki dəfə azalıb

Biznes və iqtisadiyyat xəbərləri Materials 30 Oktyabr 2008 21:09

Trend-i buradan izləyin

Azərbaycan, Bakı, 30 oktyabr/ Trend , müxbir Ü.İsmayılova/ " Sentyabrla müqayisədə, oktyabrda Bakının daşınmaz əmlak bazarında tələbat iki dəfə azalıb", - Caspian Property Services qiymətləndirmə şirkətinin marketinq araşdırmaları üzrə meneceri Elnur Əsədov cümə axşamı bildirib.

 Onun sözlərinə görə, bazardakı bu vəziyyət bankların kreditləşdirməni, o cümlədən ipoteka kreditləşdirməsini dayandırması ilə əlaqədar yaranıb və qeyd edib ki, daşınmaz əmlak bazarının 80 faizi bank kreditləşdirməsindən asılıdır.

 "Kreditləşdirmənin azalması potensial alıcılara təsir göstərib. Onlar, qiymətlərinin azalmasını gözləyərək indi mənzil almırlar", - menecer bildirib.

 Hazırda Bakının mərkəzində ilkin mənzil bazarında bir kvadrat metr mənzil sahəsinin qiyməti 2 mindən 5 min manatadək, şəhərin ikinci hissəsində 1 min manatdan 2 min manatadək, üçüncü və dördüncü hissələrində 1 min manatadəkdir.

Avqustdan etibarən, Azərbaycanda ipoteka kreditləşdirməsinin templəri azalıb, bəzi banklar isə bu istiqamətdə əməliyyatları dayandırıblar. Bankların kreditləşdirmə templərini azaltmaları dünya maliyyə bazarlarında böhranla izah olunur. Belə vəziyyət bankları daha ehtiyatlı olmağa və müştəri bazasını formalaşdırarkən daha sərt seçim tətbiq etməyə məcbur edir ki, bu da korporativ idarəetmə sisteminin bir hissəsidir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti