Azərbaycan, Bakı, 11 noyabr / Trend , müxbir N.İsmayılova/ Avro qismində aktivləri olan Bank Melli Iran əmanətçiləri son bir neçə ayda Avropa valyutasının kursunun enib - qalxmasından güclü zərər çəkiblər. Çərşənbə axşamı bank rəhbərinin müavini Anar İbrahimov belə deyib.
"Son iki-üç ayda avronun kursu gözlənilmədən dəyişib. Bu ərəfədə avro qismində aktivləri olan müştərilər Avropa valyutasından can qurtarmağa çalışarkən güclü zərər çəkiblər. Avronun kursunun düşməsinə reaksiya verməyənlər isə, o qədər çox ziyana düşməyiblər" - İbrahimov söyləyib.
2006 - cı ilədək bank kreditləşmə və vəsaitlərin Amerika dolları qismində yerləşdirilmə işlərini gerçəkləşdirib. Sonra öz aktivlərini Azərbaycan manatına köçürüb və indi bütün əməliyyatlar yalnız manatla aparılır.
"Bank Melli Iran-ın valyuta mövqeyini dağıtmamaq üçün, biz eyni zamanda əcnəbi valyuta ilə vəsait yerləşdirməyə məcbur olduq və avronu yeganə qəbulolunan valyuta hesab etdik" - İbrahimov bildirib.
Onun sözlərinə görə, avro ilə kredit vermək mümkün deyil, çünki əhalinin gəlir mənbələri - manat və dollar formasındadır və avroya üstünlük verən müştərilərin dairəsi geniş deyil. Zərər müştərilərin kredit faizlərindən əlavə, həm də kurs dəyişməsində pul itirmələrilə müəyyən olunur.
Bakıda Bank Melli Iran yalnız bir filialla təmsil olunur, amma bütün dünyada onun geniş filial şəbəkəsi mövcuddur.
2008-ci il noyabrın 1-nə bankın aktivləri - 18,51 milyon manat, nizamnamə kapitalı - 10 milyon, ümumi kapital - 11,28 milyon, bankın kredit portfeli - 6,37 milyon, depozit portfeli - 2,36 manat təşkil edib. Bu ilin on ayı ərzində bankın gəliri 1,15 milyon manat olub.
Noyabrın 11-nə olan rəsmi məzənnə 0,8085AZN/USD.
Məqalə müəllifilə əlaqə ünvanı: [email protected]
