Azərbaycan, Bakı, 18 noyabr/ Trend , müxbir İ.Xəlilova/ Asiya İnkişaf Bankı (AİB) Azərbaycana, dəmiryolu infrastrukturunun təkmilləşdirilməsi üzrə Dövlət Proqramı çərçivəsində, layihələrin detallı hazırlanması üçün bir mln. dollar həcmində qrant ayırıb. Bu barədə çərşənbə axşamı bankın Bakıdakı nümayəndəliyindən bildiriblər.
"Biz bütün variantları nəzərdən keçirməyə hazırıq, lakin AİB -ın texniki yardımı çərçivəsində hazırlanacaq layihə, Proqramın təsdiqindən sonra müəyyən olunacaq", - deyə hökumətdən bildiriblər.
Hazırda 2008 - ci lin sonunadək başa çatacaq layihənin hazırlanması üçün məsləhətçi seçimi aparılır.
AİB, layihələrin maliyyələşdirilməsi üçün ölkənin tələbatından asılı olaraq, multitranş paket çərçivəsində $550 mln.-dək vəsait ayıracaq.
AİB artıq Azərbaycan hökuməti ilə Multitranche Financing Facility (MFF) mexanizmi çərçivəsində vəsaitlərin ayrılması imkanları barədə ilkin danışıqlar aparıb. Bu mexanizm bir neçə layihənin bir paketdə cəmləşdirilməsini nəzərdə tutur.
Asiya bankı bu mexanizmi ilk dəfə avtomobil yolları layihələrinin maliyyələşdirilməsi üçün tətbiq edib və bu məqsədlə $500 mln. ayrılıb. (Bu gün paket çərçivəsində ümumi dəyəri $255,4 mln. olan iki layihə artıq təsdiqlənib).
Dövlət Proqramının ümumi dəyəri 1,252 mlrd. manatdır.
AİB öz təklifində qeyri - konsessiyalı borclar üzrə maliyyələşdirmə şərtlərini libor + 0,6 faizdən libor + 0,2 faizədək azaltmağa razı olduğunu bildirib. Yeni şərtlər üzrə kredit ehtiyatları konkret olaraq dəmir yolu layihəsinə təklif ediləcək. Onlar, səkkiz il güzəştli dövr olmaqla, 25 il müddətinə təqdim edilə bilər. Asiya Bankı borc üzrə faizlərdən əlavə, xidmətlərin göstərilməsinə görə komisyon haqlarını da azaltmağı təklif edir (0,35 faizdən 0,25 faizədək).
Hazırda hökumtə Rusiya sərhədi - Bakı - İran sərhədi (Şimal - Cənub nəqliyyat dəhlizi) istiqamətində dəmir yollarının yenidən qurulması üçün sərmayədarları nəzərdən keçirir. AİB ilə yanaşı, Avropa Yenidənqurma və İnkişaf Bankı da bu işlərin maliyyələşdirilməsinə qoşulmağa hazırdır. Bununla yanaşı, Avropa İnvestisiya Bankı ilə birgə çıxış edən Avropa Bankı $500 mln. ayırmağa hazırdır. Alman İnkişaf Bankı KfW Azərbaycan Dövlət Dəmir Yolunun qatarlarının yenilənməsi, Yaponiya Beynəlxlaq Əməkdaşlıq Bankı isə, ADDY-nin elektronlaşdırılmasını maliyyələşdirməyə hazırdır.
Qərb -Şərq dəhlizinin dəmir yolu seqmentini Dünya Bankı maliyyələşdirir və bankdan artıq $450 mln.-dək vəsait cəlb edilib.
Noyabrın 18 -nə olan rəsmi məzənnə 0,8094 AZN/USD təşkil edir.
Məqalə müəllifi ilə əlaqə ünvanı - [email protected]