Qazaxıstan, Astana, 01 dekabr / Trend , müxbir K.Konırova/ Kostanayskoy vilayətinin (Astananın 500 km - də) Tobol stansiyasında lokomotivlərin doldurulması üçün kompüterləşdirilmiş yanacaq anbarı açılıb, - Trend -ın Astanadakı xüsusi müxbiri xəbər verir.
Kostanayskoy vilayətinin Tobol stansiyası - respublikanın şimalında ən uzaq dəmiryol məntəqəsi və qovşaq mərkəzidir, Qazaxıstanın buğda və filiz kimi əhəmiyyətli strateji malları buradan beş istiqamət üzrə ixrac olunur.
"Son vaxtlar Tobol stansiyasında Xromtau - Altınsarino dəmiryol məntəqəsinin tikilməsilə əlaqədar, yük dövriyyəsi kəskin artıb. Aydın olub ki, biz müəyyən müasirləşmə prosesi olmadan keçinə bilməyəcəyik", - yeni layihənin təqdimatı zamanı "Lokomotiv" SC-nin prezidenti Kadıl Talaspekov jurnalistlərə deyib.
"TEK - Astana" MMD - nin qüvvələri nəticəsində Tobol stansiyasında yanacaq anbarının tam bərpası və müasirləşməsi gerçəkləşdirilib. "KazaxstanTemirjolı" milli şirkətinin mətbuat xidmətinin məlumatına görə, anbarın həcm tutumu artırılıb, indi onun çənlərinə 5 min kubmetrədək dizel yanacağı yerləşdirmək olar. İkincisi, bütün diaqnostika prosesi və lokomotivlərin doldurulması tam kompüterləşdirilib.
"Yeni məntəqədə qurulmuş təchizat post sistemi hər konkret lokomotiv üçün neft məhsullarının vaxt, həcm, kütlə və hətta temperatur və sıxlığının qeydiyyatı ilə, buraxılmasının dəqiq hesabatını aparmağa imkan verir", - Talaspekov söyləyib.
Müasirləşmə hesaba alınmaqla, teplovozların yol hazırlığı müddəti iki dəfə azalıb. "Lokomotiv" SC prezidentinin sözlərinə görə, əvvəl bir lokomotivin doldurulması üçün 5 saat tələb olunurdusa, indi iki -iki saat yarım kifayətdir.
Tobol stansiyasının bərpası - bu, hələlik dəmiryolu magistralında işin təkmilləşdirilməsi istiqamətində ilk addımlardandır.
"Dəmiryolu nəqliyyatı infrastrukturun inkişafı ilə yanacaq kompleksi infrastrukturun əsas fondlarının mərhələli yenilənməsi və onların beynəlxalq standartlara uyğunlaşdırılması aparılacaq", - Talaspekov qeyd edib.
Müəlliflə əlaqə ünvanı: [email protected]