Azərbaycan, Bakı, 16 dekabr/ Trend , müxbir İ.Xəlilova/ "Azərbaycan hökuməti 2008 - ci ildə ölkənin Ümumdünya Ticarət Təşkilatına (ÜTT) daxil olması məsələsi üzrə ikitərəfi danışıqlar silsiləsini tam başa çatdırıb", - danışıqlar qrupunun rəhbəri, AR xarici işlər nazirinin müavini Mahmud Məmmədquliyev çərşənbə axşamı bildirib.
"ÜTT- nin işçi qrupu ilə ikitərəfli danışıqlar çərçivəsində, qalan ölkələrlə - Norveç, Hindistan, Cənubi Koreya və Çinin Tayvan əyaləti ilə görüşlər keçirmişik", - nazir müavini deyib.
Noyabrda Vaşinqtonda ABŞ - la, Cenevrədə Yaponiya, Braziliya, Ekvador və Şri -Lanka ilə, dekabrın 9 - da isə, Brüsseldə Avropa İttifaqı ilə danışıqlar aparılıb.
"Müzakirələrin yekunu üzrə danışıqlar aparılan ölkələrin heç biri ilə protokolun imzalanmasına dair nazılıq əldə olunmayıb. Buna görə, danışıqlar davam etdiriləcək, - Məmmədquliyev deyib. - bununla yanaşı, danışıqların hər bir mərhələsinin müsbət tərəfi var; onlar daha dərin olur, bəzi məsələlər gündəlikdən çıxarılır".
ÜTT-yə üzv ölkələr Azərbaycanın ticarət rejimi və xidmətlər bazarını liberallaşdırmasını təkid etməkdə davam edirlər. Birbaşa filialın açılması ilə ölkənin bank bazarına və 100 faiz xarici kapitala məxsus törəmə strukturların yaradılması ilə sığorta bazarına daxil olmaq üzrə tələblər də qüvvədədir.
2008 - ci ildə Azərbaycan artıq ikinci dəfədir ki, ikitərəfli görüşlər keçirir. Apreldə Norveç, Şri - Lanka, Hindistan, Cənubi Koreya, mayda ABŞ, Ekvador, Yaponiya və Çinin Tayvan əyaləti ilə danşıqlar aparılıb.
Belə ki, Azərbaycanın danışıqlara yenicə başladığı ölkələr - Norveç, Şri -Lanka, Hindistan da hökumətin sonuncu dəfə irəli sürdüyü baum - tariflərin endirilməsini təklif edirlər.
Bu dövlətlərin siyahısı tədricən genişlənir və onlardan hər hansı biri ilə danışıqların başa çatdırılmasından danışmaq hələ tezdir, - nazir müavini hesab edir.
Bu günədək Türkiyə, Oman Sultanlığı, Birləşmiş Ərəb Əmirlikləri ilə aparılan danışıqların yekunu üzrə protokol imzalanıb. Ölkə sənədi nəzərdən keçirən Moldova ilə protokolun imzalanması mərhələsindədir. Qırğızıstan və Gürcüstan artıq razılıqlarını verib və bu prosedur hökumətlərarası komissiyaların növbəti iclasında baş tuta bilər.
Azərbaycan 1997-ci ildən ÜTT- də müşahidəçi statusunda təmsil olunur.
Məqalə müəllifi ilə əlaqə ünvanı - cap
