Türkmənistan, Aşqabad, 19 dekabr/ Trend , müxbir E.Həsənov/ 2008-ci ildə bir milyon tondan çox taxıl yığan Türkmənistanda hazırda dənli bitkilərin səpini üzrə iş aparılır. "Türkmənqallanonumləri" (Türkməntaxılməhsulları) Dövlət Assosiasiyasının məlumatına görə, gələn məhsul üçün 900 min ha torpaq sahəsi becərilib. Sahələrin böyük hissəsində artıq cücərtilər görünür.
Taxılçılar "vegetativ" suvarma və torpağın mineral gübrələrlə becərilməsi ilə məşğuldurlar. Səpin zamanı Rusiyadan gətirilmiş yüksək davamlı buğda növlərindən istifadə edilib. Bu növlər quraq mühit şəraitində uğurla yoxlamadan keçib.
Müəlliflə əlaqə saxlamaq üçün elektron ünvan: [email protected]