Azərbaycan, Bakı, 10 yanvar/ Trend , müxbir S.Babayeva/ 2008-ci ilin dekabr ayına olan məlumatlara görə, Naxçıvan Muxtar Respublikasının (NMR) 193 min nəfər iqtisadi fəal əhalisinin 192,8 min nəfəri işlə təmin olunub. Bu barədə NMR-in Bakıdakı daimi nümayəndəliyindən bildiriblər.
"Yanvar-noyabr ərzində Muxtar Respublikanın məşğulluq idarələri orqanları tərəfindən 2058 nəfər işlə təmin olunub", - deyə NMR-in nümayəndəliyindən qeyd ediblər.
NMR-də orta müavinət məbləği 92,9 manata bərabər olub ki, bu da Muxtar Respublikada məşğul əhalinin orta aylıq əmək haqlarının 40,4 faizini təşkil edib.
Ümumilikdə 2003-cü ilin oktyabrından 2008-ci ilin oktyabrınadək 22,8 mini daimi olmaqla 35,7 min yeni iş yeri açılıb.
Məqalə müəllifi ilə əlaqə ünvanı - [email protected]