Azərbaycan, Bakı, 31 mart / Trend , müxbir N.İsmayılova /
Azərbaycanın İqtisadi İnkişaf Nazirliyi yanında İxracın və İnvestisiyalsrın Təşviqi Fondu (AZPROMO) aprel ayının sonunda Gürcüstanda nümayəndəliyini açacaq. Bu barədə AZPROMO-nun prezidenti Rəhim Hüseynov bildirib.
"Gürcüstanda nümayəndəliyin açılması üzrə işlər artıq tamamlanır. Tbilisidə nümayəndəliyin açılması aprel ayının sonuna planlaşdırılır", - deyə Hüseynov bildirib.
Onun sözlərinə əsasən, Gürcüstanda ofisin açılması Azərbaycan-Gürcüstan əməkdaşlığını daha da möhkəmləndirəcək.
AZPROMO-nun Rusiyada, xüsusilə isə Soçidə nümayəndəliyinin açılması biznes nöqteyi-nəzərindən özünü doğrultmur, bunu deməyə fond tərəfindən keçirilmiş tədqiqatların yekunu imkan verir.
"Soçidə nümayəndəliyin açılması orada keçirilən Olimpiya oyunları ilə əlaqədar idi, lakin fond əməkdaşları tərəfindən aparılan tədqiqatlar göstərib ki, oradakı nümayəndəlik aktiv rejimdə fəaliyyət göstərməyəcək", - deyə Hüseynov bildirib.
Məqalə müəllifi ilə əlaqə ünvanı: [email protected]