Azərbaycan, Bakı, 24 aprel / Trend , müxbir Ü.İsmayılova /
"Azərbaycanda ünvanlı sosial yardımın (ÜSY) tətbiqi effektiv keçir" - Dünya Bankının (DB) Cənubi Qafqaz ölkələri üzrə insan resursları sektorunun mütəxəssisi Aleksandra Posarak "Sosial yardım, sosial reabilitasiya: davamlı inkişaf" II elmi-praktiki seminar zamanı deyib.
"DB-nin təhlilərinə əsasən, layihənin effektivliyi 70 faiz təşkil edir", - Posarak deyib.
Onun sözlərinə görə, bu çox yaxşı göstəricidir və başlıca məqsəd sözügedən rəqəmin qorunmasıdır.
Mütəxəssisin sözlərinə əsasən, ÜSY yoxsulluğu azaltmaqdan ötrü keçirilmir, çünki bununla bağlı bir proqram və bir ölkənin səyləri azdır. Posarak qeyd edib ki, ÜSY aztəminatlı ailələrin yaşayış şəraitinin yaxşılaşdırılması məqsədi ilə tətbiq edilir.
"Aztəminatlı ailələrin şəraitinin yaxşılaşdırılmasında ünvanlılıq metodunun gücləndirilməsi vacib şərtdir", - Posarak vurğulayıb.
Məqalə müəllifi ilə əlaqə ünvanı: [email protected]
