Azərbaycan, Bakı, 05 may / Trend , müxbir N.İsmayılova /
Azərbaycan Parlamenti mayın 8-də "Əmanətl'rin sığortası haqqında" Qanuna düzəlişləri nəzərdən keçirəcək. Düzəlişlərə əsasən, Azərbaycan Depozitlərin Sığorta Fondu (ADİF) vasitəsilə sığorta təzminatı 8 min manatdan 30 min manatadək qaldırılacaq. Bu barədə Parlamentin iqtisadi siyasət üzrə daimi komissiyasının rəhbəri Ziyad Səmədzadə çərşənbə axşamı deyib.
2008-ci ilin əvvəlindən 100% həcmli kompensasiya əmanətin məbləği 6 min manatı üstələmədikdə ödənilir. 2010-cu ilin yanvarından isə sözügedən məbləği 8 min manata çatdırmaq nəzərdə tutulmuşdu. Qanuna əsasən, 2008-ci il yanvarın 1-dək 4 min manatadək olan əmanətlər fond tərəfindən tam olaraq təmin edilirdi.
"Əmanətlərin sığortası haqqında" Qanuna uyğun olaraq, sığorta təsiri altına dərəcələri AMB-nin dərəcələrini (hazırda AMB dərəcələri 3% təşkil edir) 1,8 dəfə üstələyən yeni əmanətlər düşmür.
Bu o deməkdir ki, sığorta əmanəti üzrə dərəcələr maksimum 5,4% təşkil edə bilər. Belə bir əmanəti qəbul edən bank müştərini fond sığortasının sözügedən əmanətə şamil edilmədiyi barədə məlumatlandırmalıdır.
Fond əmanətlər üzrə 0,125%-lik gündəlik qalığın təqvim ödəmələri hesabına formalaşır. Bank müştəriləri əmanətlərinin sığortalanması hesabına ödəmələrdən azaddırlar.
Kompensasiyalar sığorta hadisəsi zamanı ödənilə bilər: bank ləğv və ya müflis olduqda və əmanətlər üzrə öhdəliklərin yerinə yetirilməsi barədə maratoriyanın qüvvəyə minməsi barədə məhkəmə qərarı olduqda. Müflis olmuş bankın əmanətçisi bir il ərzində sığorta fonduna müraciət edə bilər. Fond öz növbəsində ərizə daxil olduqdan 90 gün ərzində kompensasiya ödəməlidir. İstənilən halda əmanətçi beş il ərzində kompensasiya almaq hüququnu saxlayır.
Fond 2007-ci il avqustun 13-dən fəaliyyətə başlayıb.
Mayın 05-nə olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]