Azərbaycan, Bakı, 02 sentyabr / Trend , müxbir Ü.İsmayılova /
Avqust ayında Bakının torpaq bazarında təkliflər iyul ayı ilə müqayisədə 5,9 faiz artıb. Bu barədə çərşənbə günü "MBA Group" konsaltinq şirkətinin baş direktoru Nüsrət İbrahimov bildirib.
"Torpaq bazarında orta qiymətlər 3,2 faiz azalaraq bir sot üçün 9,836 dollara çatıb", - İbrahimov bildirib.
Onun sözlərinə görə, bazara təklif edilən torpaq sahələrinin orta qiyməti ötən ay 287,5 min dollar təşkil edib ki, bu da iyuldakı göstəricidən 4,1 faiz azdır.
Ötən ay özəl evlərin qiyməti 3,3 faiz azalaraq hər kvadratmetr üçün 952 dollar təşkil edib. Özəl evlər bazarında təkliflər 2,1 faiz artıb.
Ölkənin torpaq bazarı iyul ayında 0,3 faiz ucuzlaşıb.
Məqalə müəllifi ilə əlaqə ünvanı: [email protected]
