Azərbaycan, Bakı, 13 oktyabr / Trend , müxbir N.İsmayılova/
Azərbaycan bankı Turan Bank-ın kredit portfeli keçən ilin sentyabr ayı ilə müqayisədə 8,9 faiz, cari ilin əvvəli ilə müqayisədə isə 5,6 faiz artaraq oktyabrın 1-də 70,4 milyon manat təşkil edib, bankın məlumatında deyilir.
Bankın müştərək gəlirləri keçən ilin sentyabr ayı ilə müqayisədə 19,7 faiz artaraq, oktyabrın 1-də 12 milyon manat təşkil edib. Bank aktivləri oktyabrın 1-də 101,3 milyon manat təşkil edib ki, bu, ilin əvvəlinə olan göstəricidən 20,3 faiz, keçən ilin müvafiq dövrünə olan göstəricidən isə 17,7 faiz çoxdur. Hesabat dövrü ərzində bankın mənfəət balansı 2,3 milyon manat təşkil edib ki, bu da ötən ilin müvafiq dövrü ilə müqayisədə 10,3 faiz artıqdır.
Müştərək kapital il ərzində 13,9 faiz artaraq, oktyabrın 1-də 20,3 milyon manat, nizamnamə kapitalı isə 17 milyon manat təşkil edib (13,3 faizlik artımla).
Bank kapitalının strukturunu 25 səhmdar təşkil edir. Onlardan 5-i hüquqi şəxs (21,8 faiz), 20-i isə fiziki şəxslərdir (78,2 faiz).
Hazırda bankın ölkədə 11 filialı və 22 mübadilə məntəqəsi fəaliyyət göstərir.
Oktyabrın 13-nə olan cari məzənnə 0,8032 AZN/USD təşkil edir.
Məqalə müəllifi ilə əlaqə ünvanı: [email protected]
