Azərbaycan, Bakı, 17 oktyabr / Trend , müxbir N.İsmayılova/
Azərbaycanda vergi ödəyicilərinin 95 faizi vergi bəyannanməsini elektron formada təqdim edir, Azərbaycan vergilər nazirinin müavini Sahir Məmmədxanov deyib.
"Keçən ildən başlayaraq bu günədək vergi bəyannanmələri elektron formada qəbul olunur. Bu gün 13 minə yaxın ƏDV ödəyicisi vergi bəyannaməsini nazirliyə elektron formada təqdim edir", - Məmmədxanov deyib.
Onun sözlərinə görə, ölkədə qeydiyyatda olan ƏDV ödəyicilərinin hamısı vergi bəyannaməsini nazirliyə elektron formada təqdim edirlər.
O hesab edir ki, yalnız fiziki şəxslərin vergi bəyannamələrinin təqdimatında gecikmələr olur, hüquqi şəxslərdə isə bu göstərici 2-3 faiz təşkil edir ki, bu da normal haldır.
Bu gün Azərbaycanda 215 min vergi ödəyicisi qeydiyyatdadır.
Məqalə müəllifi ilə əlaqə ünvanı: [email protected]
