Azərbaycan, Bakı, 30 oktyabr / Trend , müxbir N.İsmayılova/
2009-cu ilin yanvar-sentyabr ayları ərzində büdcənin mədaxil hissəsinə faktiki daxilolmalar ötən ilin müvafiq dövrü ilə müqayisədə 3,6 faiz azalaraq 7 235 milyon manat (ÜDM-in 30,9 faizi) təşkil edib. Bu barədə cümə günü hökumətdən deyilib.
Dövlət büdcəsinin xərcləri 3,9 faiz azalaraq 6456,8 milyon manat (ÜDM-in 27,6 faizi) təşkil edib. Doqquz ay ərzində büdcənin profisiti 778,2 milyon manat olub ki, bu da ÜDM-in 3,3 faizini təşkil edib.
Məadaxil strukturunda 35,5 faiz Vergilər Nazirliyi tərəfindən təmin edilib. Gömrük rüsumları və vergilərindən daxil olan mədaxil isə 875,4 milyon manat (12,1 faizlik xüsusi çəki ilə) təşkil edib.
Hesabat dövrü ərzində ƏDV-dən 1469,2 miyon manat daxil olub ki, bu da ümumi gəlirin 20,3 faizini təşkil edir. Mənfəət vergisi - 861,2 milyon manat (11,9 faiz), gəlir vergisi - 429,9 milyon manat (5,9 faiz), aksiz vergisi - 205,5 milyon manat (2,8 faiz), əmlak vergisi - 55,7 milyon manat (0,8 faiz), yeraltı sərvətlər vergisi - 77 milyon manat (1,1 faiz), xarici-iqtisadi fəaliyyət vergisi üzrə isə 185,6 milyon manat (2,6 faiz) təşkil edib.
Yanvar-sentyabr ayları ərzində əhalinin sosial müdafiəsinin təminatına büdcə vəsaitlərindən 800,8 milyon manat (12,7 faizlik xüsusi çəki ilə) xərclənib. Təhsilə - 783,8 milyon manat (12,1 faiz), səhiyyəyə - 257,1 milyon manat (4 faiz), prokurorluq, təhlükəsizlik, hüquq-mühafizə orqanlarının saxlanmasına - 420,8 milyon manat (6,5 faiz), investisiya qoyuluşu və iqtisadiyyata isə 2741,6 milyon manat (42,5 faiz) xərclənib. Qoyulan kapitalın ümumi həcmindən 125,2 milyon manat (1,9 faiz) yaşayış-kommunal xərclərinə, 234,2 milyon manat (3,6 faiz) kənd, meşə təsərrüfatı və balıqçılığa, 47,9 milyon manat (0,7 faiz) nəqliyyat və rabitəyə yönəldilib.
Dövlət xərclərinin 31,6 faizi (2042,8 milyon manat) əhalinin əməkhaqqılarına, pensiyalara və yardımlara sərf edilib.
Oktyabrın 30-na olan cari məzənnə 0,8032 AZN/USD təşkil edir.
Məqalə müəllifi ilə əlaqə ünvanı: [email protected]
