Azərbaycan, Bakı, 12 noyabr / Trend , müxbir İ.Xəlilova/
Azərbaycanda "kölgə iqtisadiyyatı"nın və qeyri-formal iqtisadi fəaliyyətin ÜDM-də xüsusi çəkisi 10,2% təşkil edir. Bu barədə maliyyə naziri Samir Şərifov cümə axşamı Dövlət büdcəsi - 2010 layihəsinin müzakirəsi zamanı deyib.
Nazir rəsmiləşdirilməsinə hüquqi əsasların olmadığı malların istehsalı və göstərilən xidmətləri qeyri-formal fəaliyyətə aid edib.
"Kölgə iqtisadiyyatı" və qeyri-formal fəaliyyət göstəricisi ölkənin iqtisadi və statistik dövlət orqanları tərəfindən hesablanıb.
2009-cu ilin yekunlarına görə, hökumət ölkədə ÜDM-in 12,9 faizlik artımla 30,7 milyard dollar olacağını gözləyir.