...

Azərbaycan ÜTT-yə daxil olma çərçivəsində səmərəli təkliflər irəli sürür - beynəlxalq ekspert

Biznes və iqtisadiyyat xəbərləri Materials 13 Noyabr 2009 13:56 (UTC +04:00)

Azərbaycan, Bakı, 13 noyabr / Trend , müxbir Ü.İsmayılova/

Azərbaycan 10 ildən çoxdur ki, Ümumdünya Ticarət Təşkilatına (ÜTT) daxil olmaq üzrə danışıqları davam etdirir və hər iki tərəfdən tələblərin irəli sürülməsi uzun sürən müzakirələrin nəticəsidir, müstəqil beynəlxalq ekspert Riçard Self belə hesab edir.

"Əgər ÜTT-yə üzv olan 151 dövlətdən ən az biri yeni potensial iştirakçı olan ölkənin hər hansı tələbi ilə razılaşmasa, bu dövlət təşkilatın üzvü ola bilməz. ÜTT-yə üzv dövlətlərin böyük əksəriyyətinin Azərbaycanın təşkilata üzv olmasına razı olması, az sayda dövlətin razı olmaması faktı belə, uzun sürən danışıqlara səbəb ola bilər", - Self cümə günü Bakıda bildirib.

Onun sözlərinə əsasən, uzun çəkən danışıqlara baxmayaraq, Azərbaycanın təklifləri təşkilata üzv olmaq niyyətində olan digər ölkələrin təkliflərindən daha səmərəlidir.

"Dünyanın böyük şirkətlərinin geniş xidmət spektri ilə Azərbaycan bazarına çıxması yerli bazarı, yerli şirkətləri və onların təqdim etdiyi xidmətləri inkişaf etdirməyə imkan verəcək", - Self bildirib.

Onun fikrincə, şirkətlərin Azərbaycan bazarına beynəlxalq adla çıxması özəl yerli müəssisələrin sayının azalmasına səbəb olmayacaq, əksinə, bazarda rəqabətin artmasına yardım edəcək.

1997-ci ildən Azərbaycan Ümumdünya Ticarət Təşkilatında müşahidəçi statusunda təmsil olunub.

Məqalə müəllifi ilə əlaqə ünvanı: [email protected]

Xəbər lenti

Xəbər lenti