Azərbaycan, Bakı, 17 noyabr / Trend , müxbir N.İsmayılova/
2009-cu ilin 9 ayının yekunlarına görə, Azərbaycanda orta aylıq əməkhaqqı 296,3 manat təşkil edib ki, bu da ötən ilin müvafiq dövrü ilə müqayisədə 13,9 faiz çoxdur. Bu barədə çərşənbə axşamı Dövlət Statistika Komitəsindən məlumat verilib.
Ən yüksək əməkhaqqı hasilat sənayesi, maliyyə fəaliyyəti, daşınmaz əmlakla əməliyyatlar, kirayə və istehlak sahəsində göstərilən xidmətlər, həmçinin inşaat sektorunda işləyən şəxslərdə qeydə alınıb.
Müəssisə və təşkilat işçiləri 10 milyon manatlıq sosial əhəmiyyətli yardım alıblar. Bunlar əsasən hasilat sənayesi, enerji, qaz, su istehsalı və paylanması üzrə müəssisələr, emal sənayesi, nəqliyyat və rabitədə işləyən işçilərdir.
Yanvar-oktyabr aylarında adambaşına düşən nominal gəlir 2049,1 manat təşkil edib ki, bu da 2008-ci ilin müvafiq dövrü ilə müqayisədə 6,4 faiz çoxdur. Adambaşına düşən real gəlir 6,4 faiz artımla 1842,8 min manat təşkil edir.
10 ayın yekununa görə, Azərbaycan əhalisinin nominal gəliri 18073,9 milyon manat təşkil edir ki, bu da ötən ilin göstəricisindən 7,8 faiz çoxdur. Bu dövr ərzində əhalinin real gəlirləri 7,8 faiz artaraq 16 254 milyon manat olub.
Hesabat dövrü ərzində əhali şəxsi gəlirin 67,6 faizini mal əldə edilməsinə, 10,1 faizini vergilərin ödənilməsinə, sosial sığortaya və məcburi üzvlük haqlarının ödənilməsinə, 22,3 faizini isə kapitalın yığılması və artırılmasına yönəldib.
Noyabrın 17-nə olan cari məzənnə 0,8028 AZN/USD təşkil edir.
Məqalə müəllifi ilə əlaqə ünvanı: [email protected]
