...

Dünya Bankı kanalizasiya sularının Hövsan aerasiya stansiyasından Xəzər dənizinə axıdılması variantını işləyir

Biznes və iqtisadiyyat xəbərləri Materials 4 Dekabr 2009 16:25 (UTC +04:00)

Azərbaycan, Bakı, 04 dekabr / Trend , müxbir İ.Xəlilova/

Kanalizasiya sularının Hövsan sutəmizləmə stansiyasından Xəzər dənizinə axıdılması layihəsinin hazırlanmasına davam etmək üçün Dünya Bankının su layihələri üzrə mütəxəssisi Manuel Marino Bakıdadır. Bu barədə cümə günü DB-nin Bakı nümayəndəliyindən məlumat verilib.

"Hazırda texniki həll variantları işlənilir. Layihənin dəyəri bundan asılı olacaq", - nümayəndəlikdən deyilib.

Əvvəllər bankın Azərbaycan nümayəndəliyinin rəhbəri Qreqori Yedjeyçakın bildirdiyinə görə, ilkin qiymətləndirmələr üzrə layihənin dəyəri 100-150 milyon dollar təşkil edəcək.

Layihənin konsultantı rolunda Fransanın "Seurega" şirkəti ilə Azərbaycanın "ASPİ" şirkəti alyansı çıxış edir. Layihənin texniki-iqtisadi əsaslandırılması Türkiyənin "Seyas" şirkəti tərəfindən hazırlanıb.

Layihənin 2010-cu maliyyə ilində təsdiq edilməsi gözlənilir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti