Azərbaycan, Bakı, 05 yanvar / Trend , müxbir Ü.İsmayılova/
Qiymətli Kağızlar üzrə Dövlət Komitəsi AtaSığorta şirkətinin kütləvi yerləşdirmə yolu ilə adi sənədsiz səhmlərinin emissiya prospektini qeydiyyata alıb. Bu barədə çərşənbə axşamı Dövlət Komitəsindən məlumat verilib.
Hər birinin nominal dəyəri 20 manat olan 100 min səhm qeydiyyata alınıb.
Komitə həmçinin digər sığorta şirkəti Əmrah Sığorta-nın hər birinin nominal dəyəri 200 manat olan adi adlı sənədsiz 5 min səhmini qeydiyyata alıb.
Beləliklə, AtaSığorta şirkətinin nizamnamə kapitalı 2 milyon artaraq 4 milyon manata, Əmrah Sığorta-nın nizamnamə kapitalı isə 100 min manat artaraq 2,61 milyon manatdan 2,71 milyon manata çatıb.
