...

Kiyevdə TRASEKA Hökumətlərarası Komissiyası Daimi Katibliyinin iclası keçiriləcək

Biznes və iqtisadiyyat xəbərləri Materials 19 Avqust 2010 17:08 (UTC +04:00)
Azərbaycan Nəqliyyat Nazirliyi sentyabrın 3-də Kiyevdə TRASEKA Hökumətlərarası Komissiyasının Daimi Katibliyinin növbəti iclasında iştirak edəcək. Bu barədə cümə axşamı nazirliyin rəsmi saytında verilmiş məlumatda deyilir.

Аzərbaycan, Bakı, 19 avqust /Trend/

Azərbaycan Nəqliyyat Nazirliyi sentyabrın 3-də Kiyevdə TRASEKA Hökumətlərarası Komissiyasının Daimi Katibliyinin növbəti iclasında iştirak edəcək. Bu barədə cümə axşamı nazirliyin rəsmi saytında verilmiş məlumatda deyilir.

Kiyevdə keçiriləcək iclasda Azərbaycan Nəqliyyat Nazirliyini Beynəlxalq əlaqələr şöbəsinin TRASEKA və beynəlxalq layihələr sektorunun müdiri təmsil edəcək.

Məlumatda deyildiyi kimi, Avropa Komissiyasının təşkilatçılığı ilə Brüssel şəhərində (Belçika) 2010-cu il 12 oktyabr tarixində keçiriləcək TRASEKA Birinci İnvestisiya Forumuna və 13 oktyabrda keçiriləcək TRASEKA Hökumətlərarası Komissiyasının 8-ci illik Konfransına hazırlıq mahiyyəti daşıyır. İnvestisiya Forumuna çıxarılan layihələr sırasına, Bakının Ələt qəsəbəsində tikiləcək yeni Beynəlxalq Dəniz Ticarət Limanında regional əhəmiyyətli Beynəlxalq Logistika Mərkəzinin layihə təklifi də daxil edilmişdir.

Hazırda TRASEKA-da iştirakçı ölkələr Azərbaycan, Bolqarıstan, Gürcüstan, Qazaxıstan, Qırğızıstan, Ermənistan, Moldova, Rumıniya, Tacikistan, Türkmənistan, Türkiyə, Ukrayna və həmçinin, İrandır.

Xəbər lenti

Xəbər lenti