...

2010-cu ilin sonunadək Azərbaycanda misin ilk satışının həyata keçirilməsi planlaşdırılır

Biznes və iqtisadiyyat xəbərləri Materials 11 Sentyabr 2010 16:10 (UTC +04:00)

Azərbaycan, Bakı, 11 sentyabr /Trend, müxbir N.İsmayılova/

Azərbaycanda yeganə qızıl istehsalçısı olan "Anglo Asian Mining PLC" şirkəti 2010-cu ilin sonunadək misin ilk satışının həyata keçirilməsini planlaşdırır. Bu barədə şirkətin məlumatına deyilir.

"Mart-iyun aylarında hasil edilən konsentratın tərkibində 79 ton mis, 670 kq gümüş və 12 kq-dək qızıl olub", - məlumatda qeyd edilib.

Dörd ay ərzində hasil edilən mis konsentratı yüksək rütubətli olub və bunun nəticəsində yeni filtr sistemi tətbiq olunub. Şirkət bu dəyişiklikləri nəzərə almaqla, əməliyyatların 2010-cu il sentyabrın sonuna qədər tam gücə çatacağını gözləyir.

"Biz mis konsentratının satılmasının qiymətləndirilməsi prosesindəyik və ilk satışları hökumətlə satış protokollarını razılaşdıqdıqdan sonra cari ilin ikinci yarısında həyata keçirməyi planlaşdırırıq", - şirkətin məlumatında vurğulanıb.

Fevralda misin bərpası və emalı prosesinə start verilib. İstehsal prosesi optimallaşdırıldıqdan sonra zavodun avtomatlaşdırılması sistemi quraşdırılacaq. Zavodun gücü ildə 1800 ton mis təşkil edir, halbuki istehsalın həcmi mədənlərin minerologiyasından və proseslərin effektivliyindən asılı olacaq.

"Anglo Asian Mining PLC" şirkəti 1997-ci ilin avqustunda Azərbaycan hökuməti ilə imzalanmış PSA tipli sazişə əsasən, Azərbaycanın cənub-qərbindəki 6 yataqda - Gədəbəy, Ordubad, Qoşabulaq, Qızılbulaq, Vejnəli və Söyüdlüdə istismar hüququna malikdir.

Xəbər lenti

Xəbər lenti