Azərbaycan, Bakı, 23 sentyabr /Trend/
Yanvar-iyul aylarında Azərbaycana 818,76 min ton sement və sement klinkerləri idxal edilib ki, bu da ötən ilin eyni dövrünün göstəricisindən 25,3 faiz azdır. Bu barədə Dövlət Statistika Komitəsinin məlumatında deyilir. Yanvar-iyulda 37,8 milyon dollara yaxın dəyərində sement və sement klinkeri idxal olunub ki, bu da 2009-cu ilin müvafiq dövr göstəricisindən 3,2 faiz azdır.
Yanvar-iyulda 321,56 min tona yaxın sement klinkeri idxal edilib ki, bu da ötən ilin analoji dövr göstəricisindən 23,2 faiz azdır. 15,4 milyon dollar dəyərində isə klinker idxal edilib. Bu, 2009-cu ilin analoji dövr göstəricisindən 16,1 faiz çoxdur.
Yanvar-iyul ayları ərzində ölkəyə 497,2 min ton sement idxal edilib ki, bu da ötən ilin analoji dövr göstəricisindən 26,5 faiz azdır. Bu dövr ərzində 22,43 milyon dəyərində sement gətirilib ki, bu da 2009-cu ilin yanvar-iyulunda qeydə alınan göstəricidən 13,1 faiz azdır.
Yanvar-avqust aylarında Azərbaycanda 845,6 min ton sement istehsal edilib ki, bu da ötən ilin analoji dövr göstəricisindən 1,1 faiz çoxdur.